فاكره اول مره أتقابلنا و احنا صغيرين
ازاي تنسي هي غير الأيام دي فاكرين
اتقابلنا من غير لُقا و احنا سرحانين
و احنا بنحلم نشوف بعضنا و علي السما باصين
بنكلم القمر و النجوم سهرانيين
فكره لما كبرنا شوبه و بقينا مراهقين
كتبتي فيا شعر و كتبت فيكي كلمتين
و حكيناهم للنجوم ........ من ساعنها سهرانين
طب فاكره اما دخلنا الجامعه....... و عملنا فيها عاقلين
و في الحب بجد وقعنا ....... و من الحب بقينا مجانين
حبيت فيكي طفولتك و براءتك ....... و حبيتي فيا الاتنين
علمتيني اكتب شعر ....... و اتشحتفت زي المساكين
اعد الساعات عشان اشوفك ....... اعد الأيام زي المساجين
طب افتكري لما اجي اخطبك ....... و من اهلك اطلبك
و تتكسفي زي باقي البنات ....... و تدلقي علي الشربات
و ابوكي يعصر فيا من اول المرتب ....... لغايه المعاشات
و نجيب العفش حته حته ....... من اول الرفايع لحد الزيادات
و فرحنا علي كوبري قصرالنيل ....... و تزفنا العربيات
و نقضي شهر العسل في باريس ....... و للا بلاش حوارات
و نجيب اول بنوته ....... و نعمل فيها افتكاسات
مره نلبسها ميكي ماوس ....... و مره سنو وايت اميره الأميرات
و تكبر و تخش الجامعه ....... و نوصيها" يا قمر نفضي للولاد"
و متكلميش اي حد ....... مش هيلاقوا زيك و لو لفوا بلاد
و نجوزها و نخلص منها ....... و نبكي علي البعاد
و نكمل اركان ديننا و نحج ....... قبل فوات المعاد
و نموت و نددفن سوا ....... و يعيش حبنا يحكي عنا الحكايات
ماهو اللي فات عمره ما مات :(
No comments:
Post a Comment